米芝蓮三星中菜廳 富臨飯店（阿一鮑魚）的出品一向都絕佳，有幾好真係唔響呢個post度講。今次想講一講係佢地餐廳除咗有出XO醬，仲有一款好食到不得了嘅醬，就係陳皮瑤柱豆豉醬！
呢款陳皮瑤柱豆豉醬有咩咁勁呢？首先個醬嘅配搭響外面好少見，材料有天然菜籽油、原粒陽江豆豉、日本瑤柱同埋陳皮，呢個醬一邊食到陳皮嘅醇香，同時仲有豆豉濃郁嘅醬味。無論齋食定用嚟煮餸都一流！
早幾日買咗條燕䱽，細細條剛好夠兩口子食，切啲薑絲放響魚上面，再加埋呢個陳皮瑤柱豆豉醬，蒸8分鐘。一打開蒸爐度門，極香嘅陳皮豆豉味一湧出嚟，真係好勁。加返啲蔥絲，閂返蒸爐度門焗一焗啲蔥，拎返出嚟加返少少生抽，連滾油都唔洗贊。
魚汁本身已經係撈飯首選，今次加埋呢個咁香嘅醬，真係飯都食多幾碗！
講返，呢樽醬響餐廳先有得賣，$300一樽仔，係唔平㗎，但三星餐廳出品，真係極優質，都真係貨真價實，值得試下架～
#唔是廣告
立即加我ig @mrswongskitchen 追蹤更多即時好煮意！
Search